ود المجذوب… يواصل الفرح
(مرابيع )الوصيف (يتم توزيعها علي المريخاب في كل مكان )
…
واحد اتنين تلاته ..الرابعة جيب من جوة
نصر عزيز مؤزر بالثبات و القوة
المريخ فتر بعد الخبت يا خوه
بعد الرابع الجمهور مسوي فتوة
….
الاول دخل قلنا الحكاية دي عادي
اما التاني كان مؤلم لداك التاني
يوم وصلت تلاته قفلتا موجة الرادي
قلتا القصة عبرت و فحطت بي غادي
…
انا عندي اعتراض علي حضرتك يا (روفا)
دمعات الوصيف يا غالي ما بتشوفا
شفنا الكورة في الرابع عقب ملفوفة
الشي حلاوة سيما علي شكل مقذوفة
…
اربعة بس كفاية ..النجمة تب موجوعة
وانا بالنسبة لي ما بزيد ولا (مربوعة )
ليك عبد الرؤوف ..القبعات مرفوعة
قونك يا حريف يستاهل الموسوعة

اشعار : ود المربوع ( ود المجزوب )