(الكاكي) في البلد بقى زي (الزي المدرسي).

قزاز ورذاذ
محمد الطيب الامين
الآن في السودان ، كل ستة سبعة لابسين ليهم (كاكي) شكلو براهو ولونو براهو .
(الكاكي) في البلد بقى زي (الزي المدرسي).
الثانوي عندهم لبس ، والأساس عندهم لبس براهم والمدارس الخاصة كل مدرسة عندها لبس براها.
تعدد الكاكي دا بخلق للأجهزة الأمنية مشكلة كبيرة.
وح يفتح باب ما ح يتقفل قريب.
وما ح تعرف العسكري من الما عسكري.
والزول الأمبارح قبضوهو دا نموذج.
إستخبارات الجيش يجب أن تضرب بيد من حديد حتى لا يصبح الكاكي (وسيلة) لتحقيق غاية السرقة والأرهاب.
أي منطقة إتحررت من المليشيا طوالي تتعمل حملات لجمع السلاح والكاكي وبالقوة.
يعني الناس تتذل من الشماسة بتوعين حميدتي وتجي تكتشف في شماسة تاني منتحلين شخصية الجيش والقوات النظامية وبيمارسوا في نفس الذلة وقلة الأدب ؟
الله المستعان .
#محمد_الطيب_الأمين