المريخ والحشرات الصغيرة ..

قزاز ورذاذ
محمد الطيب الامين
المريخ والحشرات الصغيرة ..

من اللطائف هذه الأيام ، ناس المريخ عاملين مشكلة في مدينة الدامر مع بتاع الفندق .
متشاكلين مع إدارة الفندق.
هم قالوا الفندق فيهو (مارقوت).
وبتاع الفندق قال ليهم : لا (المارقوت) جا معاكم .
الغريبة .. بتغالطوا في المارقوت وما فيهو زول جاب (سيرة الذباب) مع إنو أكتر من المارقوت ذاتو.
غلاط شديد.
ديل علي ما بال يتفقوا المارقوت تبع منو يكون الهلال شال النخبة .
المارقوت داخل الفندق هو غالباً على مسؤولية صاحبه.
والناس حقو تعترف.
في السودان الجديد ما دايرين زول ينكر (مارقوتو).
المهم .. الحل عندي.
الحل :
المريخ يرحل من الفندق ، إذا المارقوت رحل معاهم يبقى معناها المارقوت تبع المريخ.
ولو المريخ رحل والمارقوت ما رحل يبقى سيد الفندق يجب أن يتحمل مسؤوليته كاملة.
و….
والله مرات نبكي من كُفرنا ومرات كُفرنا يبكي.
#محمد_الطيب_الأمين