القادم خطير والإنتباه أمر مهم ..

قزاز ورذاذ
محمد الطيب الامين
القادم خطير والإنتباه أمر مهم ..

ما قامت به أمس بعض المجموعات السودانية (المدفوعة) بنيروبي ، هو مسرحية عبيطة جداً في (ظاهرها) ولكن ما ورا المسرحية مزعج جداً دون شك .
جماعات إجتمعت في نيروبي ، جمع بينهم التواضع الأخلاقي والتبلد الوطني .
وهم أصحاب (عورات) مكشوفة لا تحتاج لإعادة إكتشاف .
ومع ذلك إكتشفنا (أعور عوراتهم) فخجلنا لهم ولم يخجلوا .
ورغم هذا ، يبقى ما حدث خطير .
وخطير جداً .
يجب التعامل معه بسمؤلية وتقدير وإنتباه.
ما على شرط تكون زول سياسي عشان تقرأ خطورة ما حدث بالأمس.
أي زول عندو بُعد نظر وبصيرة ح يعرف الحصل أمبارح دا خطير جداً .
ثم إنو :
ما أي حدث سياسي أو عسكري الناس تقلبو نكات وضحك .
يا جماعة موضوع النكات والسخرية ما بصلح الناس تدخلوا في كل حاجة .
في حاجات خطورتها بتكون خلف الحدث التافه الأنت شايفو .
ورا التفاهة بتكون في تفاهات أكبر .
القصة لا برمة ناصر ولا عبد العزيز الحلو ولا زلابية .
الموضوع أكبر .
السخرية والضحك فيما يتعلق بالقضايا الوطنية الكبيرة يعتبر جهل وعدم إنضباط .
ما تم أمس كل زول بشوفو مجرد عباطة سياسية .
لكن السؤال : خلف العباطة دي في شنو ؟؟
أكيد في حاجات ما كويسة بالنسبة لينا كشعب .
الموضوع ما بالبساطة والسذاجة البنشوفها في الفيسبوك دي .
الأنتباه مهم .
مغامرات الجنجا الشماسة يجب أن يتم التعامل معها بإنتباه وقوة .
كتير من (التكتيكات) ح تتغير .
الجيش مطالب بالإنتباه والتركيز علي نضافة دارفور بصورة سريعة وقوية .
تحصين الفاشر في الوقت الحالي لا يقل أهمية عن تحصين الخرطوم.
لو كنت صاحب قرار عسكري سأوقف جميع العمليات العسكرية في الخرطوم وأم درمان وبحري والجزيرة وكردفان وسأتوجه بكلووو إلي دارفور .
نضافة (المنبع) أهم من نضافة (المصب).
دارفور يجب أن تنضف مهما كان التمن .
دافور أهم أقليم في السودان حالياً وهي خط أحمر .
أي إستهتار سيدخل البلد في نفق صعب الخروج منه .
نسأل الله أن يخذل الجنجا في القوة والتفكير والعافية ، وأن يخزيهم وينتقم منهم عاجلاً ليس أجلاً .
واللهم إني قد بلغت فأشهد لي .