في الـ18
عمر الطيب الأمين
عن أي ارتباطات تتحدثون!!
# قال ليك يدرس المريخ وبصورة جادة الانسحاب من الدوري وتحديداً مباراة الهلال وذلك بسبب البرمجة وضغط المباريات.. غايتو يا جماعة، إخوانا المريخاب ديل مضحكين شديد..
قال ارتباطات..
ارتباطات شنو وأنتم عطالة..
ارتباطات شنو وأنتم السنة كلها في الراحة..
ارتباطات شنو وبرنامجكم فاضي له أكثر من سنة.
لمن سمعت المريخ يدرس الانسحاب بسبب الارتباطات، افتكرت الجماعة ديل لاعبين يوم 2 مع الأهلي في الأبطال وكورة الرد يوم 8.. ويوم 6 لاعبين في كأس الملك.
جاني إحساس إنو المريخ في ربع النهائي..
البسمع كلامكم بقول كنتوا حاضرين في قطر..
افتكرنا المريخ مشارك في الأبطال..
غايتو ناس المريخ ديل مضحكين شديد.. أنتم مفروض تستنفروا مع الجيش بدل قعادكم الساكت دا!!
# لا بتجدعوا ولا بتجيبوا الحجار!
# وهروب المريخ من مواجهة الهلال أمر نحسبه طبيعي لفريق تعود على ممارسة هذه العادة، هروب المريخ من مواجهة الهلال عادات وتقاليد يمارسها الوصيف وقت الضيق!!
# نتحدى المريخاب أن ينازلوا الهلال الأربعاء في الدوري الموريتاني.
# مواجهة الهلال تغني شطب جماعي في المريخ.. شطب بلا رحمة..!
Share this content:
