قزاز ورذاذ
بقلم/
محمد الطيب الأمين
بعد كم خميس كدا إن شاءالله موقف جاكسون ما فيهو غير (الهايسات) وسعرها طبعاً أعلى من الروزا، الحافلات الكبيرة بتقيف الساعة عشرة.
تركب هايس وتفتح الشباك وتطلع على بحري بكبري المك نمر أو على أم درمان بالسلاح الطبي.
ولو ماشين جنوب الخرطوم يطلع بيكم بالسكة حديد ويخلي معمل إستاك شمالو أو ممكن يشيلها بشروني.
ناس الكلاكلة بالغابة بتصلوا سريع لكن أبو حمامة حنينة برضو.
وبتاع الهايس غالباً بالليل ما عندو كمساري.
تنزل محطتك وتقيف جمب باب الراكب وتحاسب وتبقى مارق.
أو مرات السواق يقول : معليش واحد يخلص لينا الحافلة يا شباب.
والفكة مشكلة.
وأنا عندي خمسين.
ولو سمحت ما تأكل تسالي في الحافلة.
التفاصيل دي ح تعيشوها بعد كم خميس كدا إن شاء الله.
Share this content:
