في ال 18
بقلم || عمر الطيب الأمين
قال مدرب المريخ الجديد إن الأمور الفنية مبشرة، خاصة وأن الفريق يملك لاعبين يمثلون عضٌم المنتخب السوداني.
هكذا قال شوقي غريب في حوار مع إحدى الصحف المريخية.
الزول دا يتكلم عن أي لاعبين وعن أي منتخب؟
هو فريق طار من قولة تيت، كيف المنتخب يعتمد عليه؟
هسي في ذمتك لو المنتخب معتمد على لاعبين المريخ دا حاله!
الزول دا فعلاً غريب، اسم صحيح مئة في المئة. غايتو المريخ دا دراما.
قال ليك الأمور الفنية مبشرة.
هو لو الفريق دا فيه أمور فنية كان دا حاله.
على شوقي أن يعلم أن مصيره أشبه بمصير ميشو.
في المريخ ما في مدرب يقعد ثلاثة شهور يا حبيبنا.
دا نظام في المريخ عشان ما تشبكنا مبشرة وما مبشرة.
شيل ليك مرتبات ثلاثة شهور وخلي تذكرتك جاهزة للقاهرة.
قال الأمور الفنية مبشرة لأن عِضَم المنتخب من الفريق.
طيب ونحن نقول شنو لما عِضَم المنتخب من المريخ هاك العِضَم دا؟
هو المريخ فيه عضٌم عشان يدي المنتخب !
Share this content:
