قزاز ورذاذ
بقلم || محمد الطيب الأمين
خميس الخرطوم يحتاج للياقة بدنية عالية ..
ما مر خميس إلا وغالبتني دمعة وهيجتني الذكرى.
أكتر يوم بذكرني بالخرطوم يوم الخميس.
بتذكر زحمة الخميس في الخرطوم حيث أن الحركة فيها تحتاج لصبر و(رضا والدين) وقوة تحمل ولياقة بدنية عالية جداً.
في جاكسون ونص الزحمة واقف حالي
شُفت بِنية من بين الخلق بتلالي
أنا الحيرني فيها ولسه شاغل بالي
هل يعقل تكون منتظرة باص الوالي
باص الوالي و(الواقفين أكتر من القاعدين).
الكمساري القميصو فيهو 4 زراير ومع ذلك قافل (زرارة واحدة وزارينا نحن في الباقي) .
طلع العنقريب وطلعن معاهو تلاتة نجوم
إتنين هنا والتالتة في الخرطوم
بت عرباً عزاز فوق المخدة تنوم
شالت قلبي وخلت كبدتي تعوم
سنتين وخميس الخرطوم لا يختلف عن حال القبور.
نحن نرفع بلاغنا للخالق العزيز وأمامه تجتمع الخصوم.
Share this content:
