كلب عندو بعد نظر

قزاز ورذاذ
محمد الطيب الأمين
أكبر (سر غامض) في حلتنا كان هو سر ذلك (الكلب) الذي لا ينبح إلا في تلك (الفتاة).
أي زول يجي بالشارع الكلب ما بيشتغل بيهو .
أول ما تجي البت دي الكلب إبن الكلب ينبح فيها.
ينبح بإخلاص عجيب رغم أن الفتاة كانت من جميلات حلتنا.
كنا (بندق الكلب عشان نكبر في نظر البت دي) .
مات ذلك الكلب قبل سنوات بينما بالأمس أخبرني أحد الأصدقاء بأن تلك الفتاة متواجدة حالياً في معتقلات الجيش بعد أن ثبت إنها تعاونت مع الجنجا .
لقد كان الكلب أذكى منا وهو يرى فيها مشروع (حرامية قادمة) بينما كنا نحن مشغولين بجمالها ودلالها .
كلب كان عندو بًعد نظر.
المهم .. أي كلب يصر على كراهية زول معين معناها العيب في الزول ما في الكلب .
مساء سعيد عليكم 🌹🌹