المحصلة أربعة يا ود الشريف

الإمبراطور الأزرق
بقلم م القوس بابكر
////////////////////////////
المحصلة أربعة يا ود الشريف
متواليات مستمرة
الهلال تحدي الظروف يا بتوع التمهيدي
وياسر جوباك وإقتراح مشاركة فريق الشباب في دوري ولائي …
عودة أخوان محمد فيصل ضروري مسئولية الجميع
&&&&&&&&&&&&&&&&&&&&&&&&&&&&
كتب ود الشريف
قال تسجيل المحترفين في الهلال المحصلة شنو
سؤال غبي من واحد مفروض يكون ناضج فكريا هو في عمر الحكمة والتجربة والخبرة …

إن كان تعصبا وانت قد بلغت من العمر عتيا مازلت تكتب كتابة المراهقين …
وإن كان غيرة وحسد وكره فهذه الأمراض لا دواء لها فتأكل صاحبها …
وإن كانت مناكفة فهذه ليس مناكفة ولا تتدخل في باب المزاح ولا هزل هو موضوع مهم وكلام لا يخرج من كاتب مفروض يكون قدوة للكتاب الشباب بدل هذا الهراء الذي تكتبه يوميا في حق الهلال وإدارة الهلال وفي حق نفسك …

✍️عاوز تعرف سبب وجود المحترفين في الهلال
جيب ورق وقلم وتعال يا ودالشريف

1/بطل دوري السوبر في تنزانيا لقب جوي بعد هروب المريخ من الهلال…

2/بطل الدوري الموريتاني لقب جوي ثاني في وجود المريخ الذي أحرز المركز السادس …

3/دوري الثمانية الكبار ابطال أفريقيا الذي خرج منه المريخ من التمهيدي تواليا..

4/بطل الدوري السوداني المسمي النخبة وحل المريخ ثالثا خلف أهلي مدني الذي حل وصيفا للهلال…

5/بطل كاس السودان الذي هرب فيه المريخ من مواجهة الهلال…

6/تقدم افريقيا في التصنيف مما جعله قريب من المشاركة في كأس الأندية العالمية وبلغت تقاطع 36 وجعلته من افضل عشرين نادي في افريقيا
أما أنت مريخ التمهيدي عنده 6نقاط فقط في المركز 43 فرق شاسع بين الزعيم الهلال والتمهيدي المريخ …

7/السيطرة علي الساحة الرياضية لا بطل الإ الهلال منذ خمسة أعوام ولا مريخ ولا بطيخ صفر من البطولات …

واخيرا عاوز تعرف لي وجود المحترفين في الهلال
عشان يكشحوا المريخ بالأربعة 🤣🤣🤣

كل هذه الإنجازات انت كنت منافس فيها ولكن فريقك كان صغير مثل حروفك في مواجهة أب زرد وقلعنا منك بطولات حمرة عين …

من المضحك أن المريخاب ينشرون هذا الغباء هل تصدق المريخ. أكثر نادي له محترفين أي تعاقد معهم ومحترفين المريخ الذين تعاقدوا معهم أكثر من محترفي الهلال ولكن خيبتهم وسقوطهم أصبح وجودهم في المريخ زي وجود ودالشريف في الصحافة الرياضية كله ثرثرة في الفاضي بلا إنجازات ولا بطولات …
اقول ليكم حاجة قفلوا وأقلبوا صالون حلاقة
أحسن ليكم من حلاقة روفا خخخخخخخ

✍️لحن الإمبراطور ✍️

ياسر جوباك هذه الموهبة عندما سجله شباب الهلال من نادي الهدف عطبرة والشهادة لله مدير الكورة في قطاع الشباب محمد فيصل قال هنالك موهبة سيكون حديث الساحة الرياضية وصدق حدسه ومحمد فيصل من أبطال عملية تسجيل شيبوب في الهلال وهو من جعل المريخاب حايمين في جوبا وهو في قارد سيتي مع الرئيس واللاعب ده شغل كهنة ومحمد فيصل شاب شاطر جدا ولذلك هذه كوادرنا بسبب الحرب اللعينة تم حل قطاع الاشبال وأتمني من جميع الأهلة وليس المجلس وحده من يتحمل المسئولية وهنالك الأقطاب والجمهور وكل شخص يستطيع يساهم في عودة قطاع الأشبال والحمدلله الإستقرار عاد إلي معظم بلادي ولماذا لا يعود قطاع الاشبال والشباب والفريق بلا هذا القطاع مثل الأشجار بلا ثمار وهذه ثمار المستقبل وهنالك أكثر من ياسر جوباك …

ومجلس الإدارة الموقر لم يقصر في دعم تسجيلات الفريق ولم يقصر في جميع البطولات الشارك فيها وحقق إنجازات جوية وتقدم قاري واستقرار فني مقرون بالإستقرار. الإداري وجعل الفريق مهاب وقبلة للمحترفين …

وأصبح الهلال حديث الصحافة العالمية ويكفي الماركا الإسبانية أشارت إلي إنجاز الهلال العالمي وهو تحقيق دوري أجنبي كأول فريق يفعل ذلك …

والهلال تحدي الظروف وتواجد في مجموعات الأبطال

يا بتوع التمهيدي

قلت جان كلود مالوا يا ودالشريف

العملوا جان كلود في لعيبة المريخ مفروض اي لاعب يعمل محضر ضد جان كلود
ده تعدي واضح وعدم إحتىرام الخال طبنجة والجد عوض زائد خخخخخخ
حتي إنت ما احترمك يا آمون راع
عرفت سبب وجود المحترفين في الهلال ولا أنادي ليك
احمد سالم الكشحك برباعية
أحسن كفاك ولسه ماجاء دور صن داي ده شكلوا حيكون فيها وحداوية 7up

نحن نادي الحركة الوطنية التي تأسست في عام 1898وخرج منها نادي الخريجين الاوائل في عام 1918وخرج منه نادي الهلال للتربية في عام 1930كبير البلد وهلال الأمة وهلال الشعب هلال الملايين وسيد البلد سفير الكورة السودانية…
أنه زعيم البلدين
والهلال فوق الجميع
75بطولة رسمية بالحلال
ويبقي الهلال الزعيم
الله الوطن الهلال