*التمهيدي يودع التمهيدي..
بقلم : الفاتح حسين
من أصعب الحاجات في الحياة إنك تتعود على شيء ما مفروض تتعود عليه… في ناس بتتعود على الونسة، وناس على الغناء، وناس على الكورة، لكن تتعود تطير من التمهيدي؟! دي بقت عادة حزينة.
المريخ للأسف أصبح *يتعامل مع الخروج المبكر كأمر معتاد*… نفس السيناريو، نفس الوجع، نفس اللا مبالاة. ولمن نقول “الخروج من التمهيدي”، تلقى *الجمهور حزين ومقهور* أكتر من اللاعبين، وكأنو الموضوع ما فارق معاهم، لا في حزن، لا في دمعة، لا في اعتذار… فقط صمت.
في المقابل، *يبقى الهلال هو الواجهة المشرقة* لهذا الوطن، *موج أزرق* يحمل آمال الناس، ويمثّل السودان في المحافل القارية رغم بعض المطبات.
الهلال لا يزال يقاتل، لا يزال يحاول، لا يزال يمثل الأمل… والمريخ؟ للأسف، *”شغل بقانون الخلي كعودتو قلت سعادتو”*.
ربنا يعين جماهيره الصابرة، لكن الواضح أنو التمهيدي أصبح صديق مقرب للمريخ، والموسم دا قال ليهو: *ودّعك من بدري*.
شارك الخبر على:
