في ال 18
عمر الطيب الأمين
طاروا قبل صبغة المحترف تنشف!!
# كالعادة خرج المريخ من الدور التمهيدي.. من يتابع اهتمام المريخاب بالهلال والشماتة يظن أن المريخ الريال أو برشلونة.. بدوك إحساس أنهم أسياد الكرة وفي الحقيقة هم في وادٍي وكرة القدم في وادٍي آخر.
# ياخ، ديل التمهيدي زاتو اشتكوا منهم..
# التمهيدي لو كان بتكلم كان قال ليكم كفاية
معقولة كل سنة تمهيدي تمهيدي..
ياخ، خلوا عندكم دم شوية.. اكسروا الروتين دا..
# اعملوا ليكم حركة
# جيبوا ليكم غيرة
# غيرو العدس دا
# قال ليك كرشوم ومحمد المصطفى آخر فرحة وانبساط.. فارقوا التمهيدي والوداع المبكر والزلة والفضيحة..
# مالهم ومال الرز باللبن!
# دا حرقان جاهز
# أنا المحيرني ناس المريخ يقولوا ليك أرسلنا وفد مقدمة للترتيب
هسي كورتكم دي دايرة ليها وفد مقدمة.
# هي وين الكرة البعملوا ليها وفد مقدمة
# غيروا لون الشعار ما نفع
# لبسوا أزرق بابيض ما نفع!
# قال لون كريمي قال
# هسي في ذمتكم من قمتوا وعرفتوا الكرة شوفتوا ليكم فريق بلبس لون كريمي
# دا لون غرف نوم
# اختشوا ياخ
# مساكين المحترفين السجلوهم
# المحترفين مهمتهم انتهت قبل تبدأ.. في محترف من محترفين المريخ قال عامل صبغة لشعرو.. الزول دا قطع شك بكون عندهم عرس في البيت ما أظن الصبغة دي للمريخ والكورة.
# فريق بطير قبل الصبغة تنشف!
# غايتو طيرانكم دا عينة!
# دا أسمو طيران بدون مقدمات
# ستموت في التمهيدي!!
# ناس المريخ زي الدعامة بخشوا الابطال يتصوروا ويطلعوا!
# فكتوريا نعيمكي زايلي
# على قول استاذنا الرشيد علي عمر الباقي تموا تمهيدي…..؟
شارك الخبر على:
