قزاز ورذاذ
محمد الطيب الامين
نحن زهجنا من الحرامية البلبسوا (بدلة) ومركوب نمر ..
في خريف السودان (الحتة الناشفة) دائماً تبدو مستحيلة.
عشان تلقى (حتة ناشفة) إلا تكون ذو حظ عظيم.
الواطة لينة.
والريق ناشف.
نشاف الريق لا ينافسه إلا نشاف الجيب.
حكومة رئيس الوزراء عليها أن تخرج من (الناموسية الكُحلية) وتكافح البعوض والذباب والوباء المتوقع.
يجب الإستعانة بأصدقاء السودان لتوفير الدواء والكساء والغذاء.
وقبل هذا يجب الإستعانة ب(أولاد الحلال) عشان ما نلقى : (الخيمة والدواء والدقيق) الجاية هدية مجانية مفروشة في السوق بالدولار.
الوباء في السودان مرات ما بكون (أمراض) ، الوباء بيكون عبارة عن (ناس).
ناس لابسة كرفتة وعِمة ومركوب نمر ولما تجي إغاثة مجانية بشيلوها يبيعوها في السوق.
وديل أخطر من الذباب والعقارب.
عشان كدا يجب مكافحة الوباء (أمراض) و(ناس).
نحن زهجنا من الحرامي اللابس بدلة وكرفتة أكتر من الحرامي المعروف حرامي .
#محمد_الطيب_الأمين
شارك الخبر على:
