الفول شخصيتو أقوى من العدس.
وجبة إشترك في حبها (الغني والفقير).
عندو كاريزما.
بتحس بيهو عندو هيبة.
بظهر في صينية (العرس والسماية) وحتى المناسبات الفاخرة.
بأكلوهو (الطلاب والموظفين والعمال).
رجال ونسوان.
بتلقاهو في المطعم وفي الدكان (قِدرة).
ممكن في الفطور وأجمل في العشاء.
بالجِبنة أو بالسلطة أو سادة ساكت.
شمار ومِش.
بتعمل فتة.
وممكن تأكلوا مع الكبدة أو الشية.
مع زيت السمسم حاجة ما تخلص.
وتديهو بيبسي (قزازة باردة) .
بتذكر في شارع البلدية الخرطوم.
بالقرب من برج التضامن.
في مطعم بتاع (فتة فول) كان بجي يأكل فيهو رجال المال والأعمال صلاح أدريس.
صلاح أدريس بخلي كل (الطيبات) عشان يجي يضرب (فتة) ومعاها (كباية ليمون).
المطعم ده وجد شهرة جد في فترة من الفترات.
ما عارف الشهرة سببها (جودة الفول ولا عشان صلاح إدريس بجي يأكل هناك).
مطعم للأمانة (فتتو حارة وشطتو باردة).
حاجة غريبة.
المهم .. الفول إنستر مع كل الناس.
العزابة.
وناس البكا.
وفي السفر هو أضمن حاجة.
ولو مشيت بلد الأكل ما عجبك بتقع الفول.
ما بغلط معاك.
بنحبو وبحبنا.
و….
وبرضو تقول لي عدس !؟
عدس ب(الخاء).
Share this content:
