قزاز ورذاذ
بقلم ||
محمد الطيب الامين
سوء الحظ هو أن تشتري (رطل لبن) وعندما تصل البيت تجده أصبح (رطل ونص زبادي).
مع إنك جبتو (لبن) .
عرفناهو (إتقطع).
لكن بقى رطل ونص كيف وأنا جايبو رطل .
واحدة من أجمل بنات حلتنا كانت بتشتري رطل زبادي ولما تصل البيت بتلقاهو بقى (رطلين لبن).
قد ينحاز الحظ للجمال أيضاً.
صباحكم سعادة
//////
وبعد دا تلقاها تقول ليك : (تعال قابل أبوي بعد صلاة المغرب).
في حالة زي دي يجوز نقول : (ما في قسمة).
ما في قسمة يا نور قلبي وما في حتى بصيص أمل .
ديل إلا أضبح ليهم خروف (رشوة) والله .
//////
(البت) دي عشان تتكلم مع بتاع (الفرن) وتقول ليهو أديني (رغيف) طلعت في (ضهر) أخوها عشان تلحق .
عملتو (بدل تربيزة) أو بدل (درجة سلم).
هي صغيرة وجاهلة ولذلك نقبل تصرفها رغم إنو غلط وستين ألف غلط .
المشكلة في ناس كبار وما جهلاء طلعوا في ضهر أطيب الناس وعملوهم (سلالم) .
صحيح هم وصلوا ولكنه وصول (جبان جداً) ، وأظن أنهم على موعد مع (صحوة الضمير) و(دمعة الساعة تلاتة صباحاً).
جمعة سعيدة على الجميع 🌹❤️
/////
روفا الكورة بتاعتو زي (ونسة الحبايب).
الناس فاكرنو بلعب وهو بغني .
ممكن تسمعو بي عيونك وممكن تشوفو بأضانك.
(فرتق) المريخ وجا مدد عقده مع الهلال (3) مواسم قادمة .
مبروك ليك بينا ، ومبروك لينا بيك 💙💙
//////
Share this content:
