في 18
عمر الطيب الأمين
اسمه جان كلود .. لقبه قونو في جيبه وأسم الدلع الحاسم!!!
# لم يجدوا إخواننا في المريخ طريقة أسهل من عملية تشتيت الذهن قبل مباراة الهلال اليوم .. المريخاب عندهم عقدة اسمها الهلال .. من يسمعوا هلال مريخ قربت بجيهم (هبوط) حاد في الحالة (التكتيكية الانهزامية).
# عندهم مشكلة اسمها الهلال .. مع اقتراب كل مواجهة هلال مريخ عندهم لاعبين (بمرضوا) وبتجيهم (حالة) من الرجفة.
# رجفة غير طبيعية سببها الهلال .. حكمة الله الرجفة سببها نحن .. وعلاج الرجفة برضو نحن.
جان كلود دكتور متخصص في علاج المريخاب .. اسمه جان كلود ولقبه قونو في جيبه وأسم الدلع الحاسم.
# قلبي مع مدافعي المريخ وهم يواجهون هذا (الإعصار) اليوم .. لا حيلة لهم ولا قدرة على مواجهة هذا (المتحرك) الثقيل .. الهلال في وضعه الحالي أشبه بمتحرك (الصياد) ..!
# تشكوهو (لمين القدر)!
# قال عندنا ارتباطات ..
# ارتباطات شنو يا عطالة!
# هسي دي حالة فريق عنده ارتباطات!!
# قال ارتباطات خلاص يا الهلال!!
# قال ليك جمهور المريخ بغني (الليهو في الأفراح نصيب) بجي يوم و(يأخد قسمتو) في إشارة منهم إلى (قدرة) المريخ في يوم من الأيام على هزيمة الهلال عندهم إحساس يوم (قسمتهم) بجي!
# بجي بجي مالو ما جا!!
# سمح انتظروا!
# هاك النصيب دا!
# الليلة القيدومة والعرس بعد رمضان في دوري النخبة!!
Share this content:
