فرع المحلب التحتو القرنفل قائم ..

بقلم : محمد الطيب الأمين

النجوم والمواهب الموجودة في كشف الهلال لو فكوها بتعمل كم فريق.
ماشاء الله تبارك الله.
الهلال في أفريقيا أصبح مثل (العُملة الصمة) .
ورق كبار.
ما عندو فكة.
نحن عندنا أكثر من فريق في فريق واحد.
ماشاء الله تبارك الله.
وكلهم فنانين.
(29) فنان في كشف الهلال.
غنا وقصيدة.
إمكانيات وحلول في كل الأوقات.
يوم بنلعب وبنكسب.
ويوم ما بنلعب لكن بنكسب.
بنتفادى الخسارة ولو بي (شق) تمريرة.
أمورنا ماشة الحمدلله.
عقلية الإنتصارات والثقة بالنفس والشهية المفتوحة.
الهلال الآن يطبق شعار (كل ما تواجه وتنتصر لنصر تاني يجينا شوق).
على أرضهم وعلى أرضنا نحن يانا نحن.
في صدارة جميع مجموعات المجموعات الأفريقية.
الهلال مصدر سعادتنا في هذا التوقيت الذي تبدو فيه قليلة أسباب السعادة.
بنفرح بيهو جداً.
وباقي لينا زي (فرع المحلب التحتو القرنفل قائم).
طيب في طيب.
إن شاء الله تدوم السعادة ويعود الوطن عافية وقوة