المريخ يبحث عن رئيس هلالي

الإمبراطور الأزرق
بقلم م القوس بابكر
////////////////////////////
المريخ يبحث عن رئيس هلالي
وفد من المريخ يقابل السوباط ومجلس الهلال
وفد من المريخ يقابل الكاردينال
وفد من المريخ يقابل حكيم أمة الهلال
وفد من المريخ يبحثون عن رئيس هلالي فقط
بقيادة المنصة برنس سنار ….هيثم الرحيمة إنجاز ولائي فريد
ود العباس أزرق سنار العاتي وأنيق بالأبيض الراقي
&&&&&&&&&&&&&&&&&&&&&&&&&&&&&&&
الهلال كل شي عنده له دليل ويكرر المشهد حتي يتأكد الذين يكذبون الحقيقة…

برغم ما قدمه الهلال للمريخ لم يجد الإ التأمر والكره والحقد والحسد …
وصدق فيهم قول الشاعر
إذا أكرمت اللئيم تمردا
✅احكي لكم تاريخيا ماذا فعل الهلال للمريخ
في الأربعينات طلب نادي المريخ من الهلال يرسلوا لهم سكرتير الهلال محمد عامر بشير فوراوي يرأس نادي المريخ ويضع لهم دستور …
نادي الهلال ضحي پأفضل سكرتير من نادي الخريجين الاوائل ليكون رئيس لنادي المريخ منتدب من الهلال بطلب من المريخ لما انتهت مهمته رجع الي الهلال سكرتير وعضو مجلس وليس رئيس كما كان في المريخ وعشان تعرفوا قيمة الهلال الإدارية في الهلال ….
وهو من وضع الدستور في نادي المريخ
✅الهلال دعم تسجيلات المريخ المصدر ودالياس الرئيس الاقدم للمريخ ….

✅الهلال دعم آستاد المريخ في البناء بقيادة الارباب صلاح إدريس والحكيم طه علي البشير والأمين البرير والكاردينال هولاء كلهم وجدوا الإساءة من المريخاب…

✅قدم لهم لاعب الهلال ليصبح أفضل رئيس في تاريخ المريخ هو الظهير الأيسر في الهلال حسن أبو العائلة…

✅قدم لهم جمال الوالي رئيس رابطة مشجعي الهلال بالزمالك….

كل هذا العطاء من الهلال للمريخ لم يجد إلا عدم الوفاء والأذية بالهلال وصل أن أستقبلوا بعثات الفرق الأجنبية التي تلعب ضد الهلال…
❎وصل بهم أن يذهب صحفي النفاق والكذب يدعي مزمل ابو القاسم الي الكاف ليشكوا الهلال لمصلحة فريق نيجيري وسأله قرن شطة بإستغراب هل أنت سوداني هولاء مرتزقة وعملاء يا قرن شطة يعتبرون الأذية بالهلال إنجاز وحرمانه من الأبطال غايتهم هولاء المريخاب يكرهون الهلال أكثرمن حبهم للمريخ لأن لا مكان للحب عندهم لأن الحقد والحسد يملأ عقولهم وهم مجرد حاقدين فقط …

❎أنكروا فضل الهلال علي المريخ أنكروا أنهم ضل الهلال أنكروا والنكران صفات اللئيم والله الكلاب افضل منهم في الوفاء…

ولكن التاريخ يعيد نفسه
الاسبوع الفات
❎ذهب وفد مريخي طليع يتقدمه الجاكومي وحسن إدريس ومتوكل محمد احمد الي السوباط يطلبون الدعم للمريخ…
هكذا المريخ من أسسوا يطرقون ابواب الأهلة لدعم المريخ واي شي فعلتوا ونكرتوا سبحان الله كررتوا هذه الأيام
شحدة المال من الهلال دي عادة مريخية

❎وفد من المريخ يقابل الكاردينال من أجل عرض رئاسة المريخ ولكن الكاردينال إكتفي بكلمة واحدة أنه هلالابي
والتاريخ يعيد نفسه مثلما طلبوا في الأربعينات من سكرتير الهلال يرأس ناديهم. اليوم يطلبوا من رئيس سابق للهلال يرأس ناديهم …

❎وفد من المريخ عرضوا رئاسة المريخ علي حكيم أمة الهلال طه علي البشير وطه ترك العمل الإداري منذ 2003
مع ذلك يريدونه رئيس

المريخ يستنجد بالهلال وإعلامه شغال تزوير في التاريخ وتضليل وإساءة للهلال…
الصورة وضحت الهلال الأصل والمريخ فرع من الهلال
الهلال تأسست قبل المريخ 1930والمريخ تأسس 1933 والمريخ أساسا هلالاب زعلانين

📞تذكروا رقم 999 اتصلوا عليهم ناس المريخ 🤣🤣🤣
رد عليهم بتاع غرفة الطوارئ
قالوا عندهم شكوي لأن حصل هجوم عليهم كاسح من مسلحين مجهولين
قام سألهم رئيس غرفة الطوارئ اوصف ليا أشكالهم
واحد قصير ومكير لو قربت منو بهبل بيك لو بعدت منو ما بتمسكوا مابحترم الكبير فينا وشغال فينا كفيت ولابس رقم سبعة بتاع الطوارئ قال ليهم اوع تكونوا قاصدين جان كلود ده بسجل مجرم افريقي وبفتح الشوارع في افريقيا انتوا مفروض مابتلعبوا أمام هذا المجرم الخطير
🤣🤣🤣
المهم باقي المكالمة مابقدر اتمها ليكم لأنوا فيها خصوصيات
لكن ممكن أهديك اخر الكلام
قالوا لبتاع 999ممكن تجي تبقي رئيس للمريخ
تيت تيت تيت تيت
تم قطع الإتصال

مافي اي شخص يرد علي رقم لا يعرفه لأن نادي المريخ يبحث عن رئيس

🔷أزرق سنار العاتي ودالعباس الأنيق 🔷

إذا كان هنالك أزرق السودان الهلال وهنالك قصة في سنار علي ضفاف النيل الازرق الدقاق أزرق ود العباس صاحب الإنجاز الفريد والتوالي العجيب وإحراز بطولة الدوري للمرة التانية علي التوالي متخطيا الجميع بكل عنفوان وموج عاتي اغرق الفرق لا يرحم ولا يشبع من الإنتصارات تقوده عقول كبيرة بقيادة الهلالي الجميل قطب النادي والإداري المتيم المحنك هيثم الرحيمة برنس في الحضور وبرنس المساندة وعندما يكون خلف هذا العمل أمثال هيثم الرحيمة تأكد أنك تسير في طريق المجد والبطولات ودالعباس رفع التمام ورامي قدام وهنالك جنود كانوا في المعركة ويقودون دفة الفريقى مثلما أبدعوا لاعبون عادوا قادة أصحاب بصمة وأصحاب الإنجاز وصبر وتجلد وتحمل الصعاب والنقد القاسي أنه ابن النادي واسطورته عثمان علي عبدالله النور هذا الرجل يقف أن تقف له ود العباس احتراما وإجلالا
وهنالك مجلس الإدارة وصاحب البصمة بقيادة الداعم الأكبر الرئيس عباس الدراش وصاحب العطاء وأمام الجميع تجده يتقدم في العطاء ورقم واحد وكل الارقام تجد بصمته عليها لأنه الأساس والساس..
وهنالك ابطال المعارك وحققوا الانجاز الفريد والتوالي التاريخي واللعب في التأهيلي وابداع ومزيدا من من المشاركات سيكون أزرق سنار في الممتاز وقادر يشارك خارجيا
ويكون فريق ودالعباس وجه مشرق لسنار….من نجوم ودالعباس الاعب دوشكا لاعب الهلال السابق ومروان نجم المورده العاصمي وعزالدين أحمد العباس نجم مريخ كوستي
والنجم الكبير ربنا يرحمه فهمي أحمد جابر نجم نجوم
سنار والمخضرم عثمان بابكر

والتحية لأبطال المنصة الداعمة التي ضحت وبذلت حتى
والخير الجمالي والقائمة تطول ونشكر كل اعضاء منصة العباسي الداعمة الأساسي للفريق تحياتي هيثم الرحيمة ازخوان زروق والجاكو ومروان محور الأرض شكرا حسن السوكي ليك مستقبل
مبروك لجميع أبناء ومواطن ودالعباس الجميل ومبروك لكم عقبال تشاركوا في الأبطال
أزرق مع ابيض بحوق يا مارد سنار الصعب
وصاحب اللعب والذهب
ياكاتب التاريخ مولع لهب

✅لحن الإمبراطور ✅

من هو مدرب الهلال القادم
من هو حارس الهلال القادم
ماهي الصفقات التي يحتاجها الهلال من الكادر الوطني

ملف الإستثمار في الهلال يلجأ إلي تفعيل سلاح الجمهور وطرح الشعارات قبل بداية الموسم ….

من الحرس القديم إيبولا وأحمد سالم وماديكي وجان كلود وايمي تيدي مجلس أمن علي إستمرارهم

الهلال والمريخ في قمة السعودية

في الخليج
قطر هدفان للهلال
في الأمارات هدفان للهلال
في افريقيا
تنزانيا هدفان للهلال
في موريتانيا هدفان للهلال
هذه الزعامة الحقيقية للهلال
أربعة إنتصارات جوية وأربعة بطولات جوية

وأربعة صفر في الدامر 🤣🤣🤣

نحن نادي الحركة الوطنية التي تأسست في عام 1898وخرج منها نادي الخريجين الاوائل في عام 1930وخرج منه نادي الهلال للتربية في عام 1930كبير البلد وهلال الأمة وهلال الشعب هلال الملايين وسيد البلد سفير الكورة السودانية…
أنه زعيم البلدين
الهلال فوق الجميع
ويبقي الهلال الزعيم
الله الوطن الهلال