قزاز ورذاذ
محمد الطيب الامين
أم درمان كيف الحال؟
هل ما زلتي بنفس الملامح ؟ السلاح الطبي لسه زحمة ؟ هل رائحة السمك طاقة في شارع الموردة ؟ هل العربيات لسه واقفة أمام دار الرياضة ؟ هل المرافقين مازالوا تحت ضُل الشجر أمام بوابة الدايات؟
هل (باقي حلاوة المولد) في ميدان الخليفة؟
كيف حال صينية تجاني الماحي؟
وحال إستاد الهلال؟
النجيلة كيف؟ خضرا ورويانة ولا مُغبشة وضربها الشيب؟
الأحفاد لسه البنات السمحات بصورن المستندات والشيتات في الأكشاك ولا الحلو كِمل؟
كبري ود البشير وستات الشاي الفي النفق وين؟
حوادث أم درمان لسه العساكر الفي الحوادث مُصرين إنو الزيارة الساعة 3 ولا ممكن ندخل؟
الشهداء ؟ وشارع الدكاترة والقمصان السمحة ويييين؟
الثورات وأمبدات الفتيحاب والصالحة؟
المهندسين والنخيل وسوق ليبيا؟
الإذاعة الأم والتلفزيون وقناة النيل الأزرق؟
هل بشوف سارة محمد عبد الله لو جيت ماري؟
إتحاد الفنانين والمسالمة وحي العرب وود نوباوي؟
الركابية والعباسية وبيت المال؟
بانت والأربعين شارعين؟
حمد النيل والدوحة وأبو كدوك؟
كبري الحلفايا كيف؟ والجرافة وأبوروف؟
سمك عابدين وعوضية والاقاشي؟
سوق الريحة ريحتو كيف؟ حلايب والشعبي وناس الخُرد؟
صينية الازهري وكبري شمبات المات؟
عمارة البرير وصيدلية محمد سعيد والشقلة؟
كيف حالك يا أم درمان؟
😭😭
#محمد_الطيب_الأمين
Share this content:
