في الـ18
عمر الطيب الامين
عينهم في بيتر، بطعنوا في أبو عشرين!!
# بات المريخ حصالة في الدوري الموريتاني.. كل فريق يبحث عن العودة أو مصالحة جماهيره أو استعادة توازنه ينتظر مواجهة المريخ على أحر من الجمر..العودة عبر بوابة المريخ.. يشيلوا إيطالي.. يشيلوا برازيلي.. يجيبوا موريتاني.. يجيبوا فرنسي، ياهو الحال في حاله..
خسر المريخ أمس أمام استيم، وقبل ذلك خسر أمام طيش الدوري الموريتاني الشمال..
ورغم ذلك يتحدثون عن الهلال.. يتحدثون عن الهلال الذي موقعه بعيد كل البعد عن المريخ.. يتحدثون عن الهلال الذي يصارع كبار القارة.. يتحدثون عن الهلال الذي يجابه لوحده في أدغال أفريقيا..
خسر المريخ أمام استيم بهدف لا يسجل في أندية درجة ثالثة.. يتحدثوا عن أبو عشرين وأحمد بيتر، لو “فكوا ليهو شوال ليمون” ما بمسك منو واحدة .. عينهم في بيتر وبطعنو في أبو عشرين..
القون الدخل في بيتر دا أنا افتكرتو كاميرا خفية أو بث تجريبي أو هظار، كلو كلو ما اتوقعتو قون رسمي.. هدف غريب..
قون زي دا في مسلسلات ما في.. في التكتوك ما في.. أبو عشرين خلوهو الحقوا بيتر وجرس كافي.. تجيبوا كافي أفضل ليك بيتر.. المريخ نكتة في الدوري الموريتاني.. غايتو الحرب كان وقفت، أندية موريتانيا بتتطالب بمشاركة المريخ.. الناس ديل اتعودوا على هزيمة المريخ.. الفطامة صعبة تاني.. كان الحرب دي وقفت، يلقوا ليهم قفا حصالة وين تاني؟
Share this content:
