قزاز ورذاذ
بقلم || محمد الطيب الأمين
الزول دا لو كان متعاون مندس ما بعمل عمايلو البعمل فيها دي.
كل ما تواجه وتنهزم لهزيمة تاني يجينا شوق .
الأشاوذ حالهم يحنن.
هم طبعاً لما جابوهو قالوا ليهو نحن (المثل الأعلى بتاعنا هو الهلال).
دايرين نصل المجموعات.
قال ليهم مجموعات عديل ؟
قالوا ليهو اي مجموعات عديل ، نحن والهلال من بلد واحدة ، وظروف الحرب العايشنها
نحن الهلال برضو عايشها وحتى السماني الصاوي عمل شعرو زي الغربال وبنلعب في الدوري الموريتاني سوا
بس المشكلة نحن بنطير من التمهيدي والهلال بيصل ربع النهائي ومع ذلك جمهورو زعلان.
قال ليهم هسه أنا اوصلكم ربع النهائي ولا أعلم جمهوركم يزعل من طيران التمهيدي.
هههههه
جمهور المريخ نهائي ما بزعل .
جمهور المريخ لو المريخ نزل الدرجة الأولى ما بزعل .
والله صحي.
الله خلقهم كدا .
أنا والله متكيف من جمهور المريخ.
جمهور قنوع بشكل يحير .
يطير من التمهيدي ولا يخسر سبعة مباريات في الدوري الموريتاني عادي .
حالياً مشروع ميشو ماشي صاح .
بعلم الجمهور يزعل في الأول.
ما في جمهور في الدنيا دي كلها بكون بارد كدا .
المهم قالوا ليهو : أنقل لينا تجربة الهلال بإعتبارك دربتو وبإعتبار إنو الهلال من أفضل ثمانية فرق في أفريقيا.
قال ليهم خير تب .
ميشو في أي محاضرة بقول ليهم : (نحن زمان في الهلال بنعمل كدا ، ونحن زمان في الهلال بنسوي كدا ، ونحن زمان في الهلال كدا وكدا).
محاضراتو كلها (الهلال).
حالف يبقيهم زي الهلال والمسكين نسى (الناصية ما زي تاني ناصية).
في النهاية لا بقاهم هلال ولا خلاهم مريخ.
بقوا حاجة كدا ما تقدر تفهمها .
أفرز البيض من الحميض يا ميشو .
نحن ندعم إستمرار ميشو ونتمنى من الرجل الهلالي المحترم عمر النمير أن يجدد فيه الثقة .
وغايتو السنة دي يا متنا من الضحك ويا كمان الضحك كلتلنا .
Share this content:
